Question 1

Hvað á ég að gera að innritun lokinni?

Accepted Answer

Eftir að þú hefur innritað þig skaltu ganga úr skugga um að þú hafir fengið brottfararspjöldin. Ef þú nýtir þér netinnritun skaltu prenta brottfararspjöldin eða vista þau í farsímanum áður en þú ferð á flugvöllinn þar sem sum flugfélög gætu tekið gjald fyrir þessa þjónustu þar.

Ef þú tekur með farangur um borð skaltu vinsamlegast hafa í huga að hvert flugfélag hefur sínar reglur um stærð og þyngd handfarangurs auk lista yfir bannaða hluti. Almennar upplýsingar um reglur um handfarangur má finna á 'Mínar bókanir'undir flipanum ,Innritun‘ og sértækar reglur á vefsetri flugfélagsins.

Sé innritaður farangur innifalinn í miðanum getur þú samt innritað þig á netinu en þú þarft að skila farangrinum inn á tilgreindu svæði flugvallarins. Það ræðst af flugvelli eða flugfélagi hvort þú þarft að annast þetta sjálf/ur eða hvort flugfélagið veitir þjónustuna við innritunarborð.

Question 2

Hvernig get ég aflýst innritun?

Accepted Answer

Sum flugfélög bjóða upp á þann möguleika á að aflýsa innritun á vefsetrinu. Einnig er hægt að hafa samband við flugfélagið beint. Vinsamlegast athugaðu að þú þarft bókunartilvísunarnúmerið þitt, sem er að finna í “Mínar bókanir”.

Question 3

Hve löngu fyrir brottför ætti ég að koma á flugvöllinn?

Accepted Answer

Almennt er mælt með því að mæta á flugvöll minnst 2 klukkustundum fyrir innanlandsflug og 3 klukkustundum fyrir millilandaflug. Hins vegar skalt vinsamlegast athuga sérstakar ráðleggingar viðkomandi flugfélags.

Question 4

Er farsímainnritun í boði fyrir flugið mitt?

Accepted Answer

Flest flugfélög bjóða upp á farsímaapp sem gerir þér kleift að innrita þig, velja sæti og sækja brottfararaspjöld. Vinsamlegast kannaðu vefsetur viðkomandi flugfélags til að fá upplýsingar um farsímaþjónustu þess.

Question 5

Hvernig innrita ég mig í flugið mitt?

Accepted Answer

Þú getur innritað þig í flugið á netinu eða á flugvellinum. Innritun á netinu er venjulega í boði frá 24-48 klukkustundum fyrir brottför og lokar nokkrum klukkustundum fyrir flugtak. Vinsamlegast kannaðu vefsetur flugfélagsins til að fá nánari upplýsingar, reglur geta verið mismunandi.

Hafðu líka í huga að sum flugfélög innheimta aukagjöld fyrir innritun á flugvelli og þá þarftu að mæta með góðum fyrirvara fyrir brottför.

Þú getur innritað þig með því að nota bókunartilvísunarnúmerið í 'Mínar bókanir undir flipanum Innritun. Þú getur einnig bætt innritunarþjónustu okkar við ferðina og við sjáum um alla innritun fyrir þig.

Þegar þú hefur innritað þig færðu brottfararspjöldin send. Ef þú innritaðir þig á netinu, mundu að prenta brottfararspjöldin eða hlaða þeim niður í farsímann.

Question 6

Ég keypti innritunarþjónustuna. Hvernig virkar hún?

Accepted Answer

Ef þú keyptir innritunarþjónustu okkar innritum við þig í öll þín flug og sendum þér brottfararspjöldin með tölvupósti. Brottfararspjöld þín verða komin eigi síðar en 6 klukkustundum fyrir brottför. Ef þú finnur þau ekki, mundu að athuga ruslpóstmöppuna.

Ef þú fékkst ekki brottfararspjöld þín af einhverjum ástæðum mælum við með því að þú innritir þig sjálf/ur.

Hafi flugið þitt einhvern tíma verið umbókað eða uppfært virkar innritunarþjónustan ekki og það þarf að kaupa hana á ný. Athugaðu að þú gætir fengið tölvupóst með tilvísun í upprunaleg flug sem þú getur einfaldlega hunsað.

Question 7

Get ég skipt um sæti eftir innritun?

Accepted Answer

Venjulega hægt að skipta um sæti eftir innritun en það ræðst þó af stefnu flugfélagsins. Sum flugfélög leyfa breytingar á sætum um vefsetur sitt eða í appinu en önnur gætu krafist þess að þú hafir samband við þjónustuverið eða gerir breytingarnar á flugvellinum.

Question 8

Get ég bætt aukaþjónustu við bókun mína eftir innritun?

Accepted Answer

Það fer eftir flugfélaginu, þú gætir hugsanlega bætt við aukaþjónustu eftir innritun. Þessir þjónustuþættir birtast kannski ekki á brottfararspjöldum þínum, en verða sýnilegir fulltrúum flugfélaga í bókunarkerfi þeirra.

Question 9

Hve oft þarf ég að innrita mig í ferð?

Accepted Answer

Ef þú bókaðir ferð fram og til baka þarftu að innrita þig í flug á bæði útleið og á heimleið.

Ef þú ert hins vegar með margar flugbókanir með sjálfstæðum miðum þarftu að innrita þig í hvert flug fyrir sig.

Þú getur fundið ítarlegar upplýsingar um tiltæka innritunarmöguleika í 'Mínar bókanir' undir flipanum ,Innritun'.

Þú getur einnig bætt innritunarþjónustu okkar við ferðina og við sjáum um alla innritun fyrir þig.

Question 10

Hvað á ég að gera ef ég get ekki innritað mig á netinu?

Accepted Answer

Ef þú getur ekki innritað þig á netinu gæti það verið af einni af eftirfarandi ástæðum:

Tímabil innritunar á netinu: Flest flugfélög opna fyrir innritun á netinu einum til tveimur sólarhringum fyrir brottför og loka henni 1 til 2 klukkustundum fyrir flugtak. Ekki er hægt að ljúka innrituninni utan þessa tímabils.

Sérstakir stafir: Ef nafnið þitt er ekki samþykkt við innritun er það yfirleitt vegna þess að flugfélög samræma nöfn við skönnunarkerfi vegabréfa. Prófaðu eitt af þessum afbrigðum:

Skiptu út broddstöfum fyrir ómerkta stafi (t.d. u í stað ü eða e í stað é).
Afritaðu nákvæma stafsetningu af neðstu línunum á myndasíðu vegabréfsins þíns (t.d. Mueller í stað Müller).
Fjarlægðu bandstrik, úrfellingarkommur eða bil alveg og hafðu nafnið í einu orði (t.d. OConnor í stað O'Connor).
Skiptu bandstrikum eða úrfellingarmerkjum út fyrir venjulegt bil (t.d. O Connor í stað O'Connor).

Kröfur um ferðaskilríki eða sérstaka þjónustu: Ef flugfélagið þarf að yfirfara ferðaskilríkin þín handvirkt (t.d. kröfur um vegabréfsáritun eða millilendingu), eða ef bókunin þín felur í sér sérstaka beiðni (t.d. ferðast með gæludýr eða beiðni um aðstoð vegna hreyfihömlunar), gæti innritun á netinu verið óvirk.

Flug með samstarfsflugfélagi: Ef flugið þitt er rekið af samstarfsflugfélagi gætirðu þurft að innrita þig beint á vef flugfélagsins sem annast flugið eða við innritunarborðið á flugvellinum.

Breyting á flugáætlun: Ef nýlega hefur orðið breyting á flugáætlun eða uppfærsla á flugi gæti innritun á netinu verið tímabundið ótiltæk þar til nýja ferðaáætlunin hefur verið staðfest.

Kerfisvillur hjá flugfélaginu: Prófaðu að nota annan vafra eða annað tæki til að ljúka innrituninni, eða prófaðu að innrita þig aftur síðar áður en netinnritun lýkur. Þú getur líka innritað þig á flugvellinum, en sum flugfélög taka þó aukagjald fyrir það.

Ef ekkert af lausnunum hér að ofan leysir vandann við innritunina skaltu skoða leiðbeiningarnar um innritun á vefsvæði flugfélagsins eða hafa beint samband við það.

Question 11

Get ég breytt eða aflýst bókun eftir innritun?

Accepted Answer

Ef þú vilt breyta eða aflýsa bókun verður þú fyrst að hætta við innritun. Sum flugfélög bjóða upp á þann möguleika á að aflýsa innritun á vefsetrinu. Ef þú ert á flugvellinum er annar kostur að snúa sér beint til fulltrúa flugfélagsins. Þegar innritun hefur verið aflýst skaltu vinsamlegast hafa samband við okkur til að breyta eða aflýsa ferð.

Question 12

Hvað geri ég ef ég týni brottfararspjaldinu?

Accepted Answer

Ef brottfararspjöld þín týnast eða lenda á villigötum verður þér ekki hleypt um borð í flugvélina. Hins vegar geturðu venjulega fengið þau prentuð á ný í innritunarvél eða við innritunarborðið. Einnig gætirðu sótt brottfararspjöldin í farsímann.

Question 13

Hvernig fæ ég að vita um breytta flugáætlun?

Accepted Answer

Stöðu flugs þíns er að finna á vefsetri flugfélagsins, athugaðu hana reglubundið til að forðast vandræði á síðustu stundu.

Við og/eða flugfélagið upplýsum þig um allar breytingar á áætlun með tölvupósti og/eða SMS. Ef þú uppgötvar sjálf/ur breytingu á áætlun, vinsamlegast hafðu samband svo við getum aðstoðað þig.

Í þeim tilvikum þar sem flugfélagið lætur okkur ekki vita af neinum breytingum gætum við beðið þig um að hafa beint samband við flugfélagið.

Vinsamlegast hafðu í huga að það er á ábyrgð ferðamannsins að fylgjast með breytingum á flugáætlun.

Question 14

Flugfélagið hefur breytt flugi mínu, við hvern ætti ég að hafa samband?

Accepted Answer

Þegar það verða breytingar á áætlunum Flight Network hefur þjónustuverið venjulega samband við þig með tölvupósti og það eina sem þú þarft að gera er að svara honum.

Ef þú lendir í því að truflun verði á fluginu þínu vegna breytinga á áætlun eða ef flugfélagið hefur látið þig vita fyrirfram skaltu hafa samband við okkur til að sjá hvaða valkosti eru þér í boði.

Í sumum tilfellum gætum við beðið þig um að hafa samband við flugfélagið beint til að halda áfram. Fyrirspurnir vegna breytinga á áætlun er hægt að gera í gegnum síma eða spjall.

Hægt er að spjalla við okkur allan sólarhringinn á þínu kjörtungumáli, sem tryggir að þú færð aðstoð þegar og á þann hátt sem þú þarft.

Question 15

Flugi mínu hefur verið breytt/aflýst, hvaða kostir eru í boði?

Accepted Answer

Annað flug: Almennt séð býður flugfélagið annan valkost fyrir það/þau flug sem málið varðar. Það ræðst af eðli breytingar á áætlun hvort þú færð beiðni um að staðfesta boð um nýja flugið. Þegar ferðaáætlunin hefur verið uppfærð sendum við þér uppfært afrit á netfangið sem þú notaðir við bókunina.

Ef nýja flugið hentar þér ekki getum við aðstoðað þig við að finna nýtt. Vinsamlega athugaðu að við gætum innheimt gjald fyrir þessa þjónustu.

Þegar ferðaáætlunin hefur verið uppfærð sendum við þér upplýsingar um nýja flugið á netfangið sem þú notaðir við bókunina.

Endurgreiðsla: Full endurgreiðsla á viðkomandi flugi/flugum gæti verið í boði en það ræðst af breytingunni og reglum flugfélagsins.

Vinsamlegast hafðu samband við okkur til að staðfesta hvort endurgreiðsla sé möguleg og við biðjum um hana frá flugfélaginu fyrir þína hönd. Þú getur líka haft samband beint við flugfélagið til að biðja um endurgreiðslu.

Ef flugfélagið samþykkir að endurgreiða þér leggjum við upphæðina inn á upprunalega greiðsluleið þegar búið er að vinna úr málinu.

Hafðu í huga að sum flugfélög bjóða endurgreiðslu í formi opins miða eða inneignarmiða. Þetta þýðir að þú færð inneign sem jafngildir andvirði upprunalega miðans þíns, sem þú getur notað til að bóka nýja ferð eða geymt til notkunar síðar meir.

Athugið að ekki er víst að ákveðin viðbótarþjónusta sé endurgreidd eða fáist framseld.

Bætur: Samkvæmt evrópskum lögum gætir þú átt rétt á bótum ef þú ferðast inn eða út úr ESB, eða með flugfélagi frá ESB-ríki.

Almennt séð greiða flugfélög skaðabætur eins og reglur þeirra heimila. Hafðu vinsamlegast samband við flugfélagið til að fá frekari upplýsingar um réttindi þín.

Question 16

Hvernig nota ég inneignarmiðann/opna miðann?

Accepted Answer

Opinn miði:

Sum flugfélög leyfa þér að hafa miðann opinn til að nota síðar meir. Opinn miði er upprunalegi flugmiðinn þinn með framlengdan gildistíma. Gildistími opinna farseðla er mismunandi eftir flugfélögum en venjulega 1 ár frá útgáfudegi.

Það ræðst af reglum flugfélagsins hvort þú megir breyta flugleiðinni þegar opni miðinn er notaður, þótt aðrar reglur, svo sem árstíðabundnar takmarkanir, gætu gilt um miðann. Hafðu í huga að þú getur ekki skipt um flugfélag þegar þú notar opinn miða.

Vinsamlegast hafðu samband ef þú vilt breyta dagsetningu flugs með því að nota opna miðann þinn. Mundu að þú gætir þurft að greiða allan mun á fargjaldi/sköttum við umbókun.

Engir keyptir þjónustuþættir frá upprunalegu flugi (sæti, farangur o.s.frv.) færast yfir á nýju bókunina þína og það þarf að kaupa þá að nýju nema að fyrir hendi sé ,Sveigjanlegur miði’ and ,Ferðatrygging‘.

Question 17

Hver er munurinn á handfarangri og innrituðum farangri?

Accepted Answer

Handfarangur vísar til töskunnar sem ferðalangar taka með sér inn í flugvélina og setja í farangurshólf. Með innrituðum farangri er átt við töskur eða kassa sem innritaðir eru á flugvellinum og fluttir í farmrými vélarinnar.

Flugfélög tilgreina takmarkanir á stærð og þyngd bæði handfarangurs og innritaðs farangurs ásamt lista yfir óleyfilega hluti í farangri. Nánari upplýsingar er að finna í leiðbeiningum á vefsetri flugfélagsins.

Question 18

Hvaða hlutir eru ekki leyfðir í innrituðum farangri?

Accepted Answer

Bannaðir hlutir eru mismunandi eftir flugfélögum og löndum. Almennt eru sprengifimir og eldfimir hlutir, ætandi og eitruð efni og rafsígarettur ekki leyfðar í innrituðum farangri. Kynntu þér vinsamlegast upplýsingar um óleyfilega hluti á vefsetri flugfélagsins.

Question 19

Hvaða hlutir eru ekki leyfðir í handfarangri?

Accepted Answer

Bannaðir hlutir eru mismunandi eftir flugfélögum og löndum. Almennt eru sprengifimir og eldfimir hlutir, ætandi og eitruð efni, oddhvassir og beittir hlutir, skotvopn og vopn ekki leyfð í handfarangri. Að auki verður að hafa vökva, úðabrúsa og hlaup í glærum, endurlokanlegum plastpokum og þeir mega ekki fara yfir 100 ml á hlut.

Question 20

Má ég hafa vökva í handfarangri?

Accepted Answer

Allir vökvar, úðabrúsar og hlaup í handfarangri verða að vera í glærum, endurlokanlegum plastpokum og mega ekki fara yfir 100 ml á hlut. Reglur geta verið mismunandi eftir flugfélögum og áfangastað svo þú skalt vinsamlegast hafa samband við flugfélagið til að fá nákvæmar leiðbeiningar.

Question 21

Hver eru stærðar- og þyngdartakmörk innritaðs farangurs?

Accepted Answer

Hvert flugfélag hefur sínar eigin takmarkanir á farangursþyngd og stærð og þær geta verið mismunandi eftir farrými og áfangastað. Allar upplýsingar um farangur eru birtar á vefsetri okkar við bókun, sem og í ‘Mínar bókanir' undir flipanum Innritun.

Skoðaðu vinsamlegast vefsetur flugfélagsins til að fá upplýsingar um sérstakar heimildir varðandi innritaðan farangur.

Question 22

Eru takmörk á stærð og þyngd handfarangurs?

Accepted Answer

Já, hvert flugfélag hefur eigin takmarkanir á þyngd og stærð handfarangurs sem eru mismunandi eftir farrými og áfangastað. Allar upplýsingar um farangur eru birtar á vefsetri okkar við bókun, sem og í 'Mínar bókanir' undir flipanum Innritun.

Skoðaðu vinsamlegast vefsetur flugfélagsins til að fá upplýsingar um sérstakar heimildir varðandi handfarangur.

Question 23

Má ég taka með sérstaka hluti og íþróttabúnað í flugvél?

Accepted Answer

Ákveðinn íþróttabúnaður og sérstakir hlutir eru leyfðir um borð. Hins vegar geturðu ekki bætt þessum hlutum við á meðan á bókunarferlinu stendur, aðeins þegar bókun er lokið. Vinsamlegast hafðu samband eða flugfélagið beint til að fá frekari upplýsingar.

Question 24

Hvernig bæti ég aukafarangri við bókun mína?

Accepted Answer

Í flestum tilfellum er þér boðið að bæta við farangri á meðan á bókunarferlinu stendur. Ef þú vilt bæta við farangri eftir að þú hefur bókað, fyrir áætlaða brottför flugs þíns, vinsamlegast farðu á ‘Mínar bókanir' í innritunarflipanum eða hafðu samband.

Question 25

Þarf ég að endurinnrita farangur minn fyrir tengiflug?

Accepted Answer

Ef þú bókar marga áfanga með sama flugfélagi á sama miða, verður farangur þinn líklegast sjálfkrafa færður á milli flugvéla við millilendingu. Ef ferðin þín er hins vegar skipulögð með mörgum flugfélögum á sama miða, gilda reglur þess flugfélags sem gefur út miðann.

Ef þú hefur bókað fleiri en einn flugáfanga á sjálfstæðum miðum þarftu að sækja farangur þinn og innrita hann að nýju í hvert skipti sem þú skiptir um flugvél.

Ef þú hefur bókað Sjálsflutningur ferð skaltu vinsamlegast kanna farangursreglurnar.

Vinsamlegast hafðu samband við flugfélagið til að fá frekari upplýsingar fyrir brottför.

Question 26

Hvað ætti ég að gera ef farangur minn týnist?

Accepted Answer

Hafi farangur týnst eða glatast skaltu samkvæmt fyrirmælum IATA tilkynna það farangursafgreiðslu flugvallarins strax og þú kemur á áfangastað.

Flest flugfélög nota alþjóðlegt kerfi til að rekja farangur sem ber það týnda saman við svipaðar töskur sem tilkynnt hefur verið um á flugvöllum um heim allan. Langflestum töskum sem misfarast er skilað til farþega innan 48 klukkustunda.

Ef þú vilt vernda töskur þínar á ferðalagi geturðu kynnt þér farangursþjónustu okkar.

Question 27

Fæ ég bætur ef farangri mínum seinkar?

Accepted Answer

Skilaðu vinsamlegast inn skýrslu til farangursafgreiðslunnar strax og þú kemur á flugvöllinn til að krefjast skaðabóta fyrir týndan, seinkaðan eða stolinn farangur.

Vinsamlegast hafðu beint samband við flugfélagið til að fá frekari upplýsingar.

Þú getur kynnt þér farangursþjónustu okkar viljirðu vernda töskur þínar á ferðalagi.

Question 28

Hvernig legg ég fram kröfu vegna skemmds farangurs?

Accepted Answer

Skilaðu vinsamlegast inn skýrslu til farangursafgreiðslunnar strax og þú kemur á flugvöllinn til að krefjast skaðabóta fyrir tjón á farangri.

Vinsamlegast hafðu beint samband við flugfélagið til að fá frekari upplýsingar.

Question 29

Hvernig virkar sjálfsflutningur í flugi?

Accepted Answer

Ef þú ert með bókun sem inniheldur sjálfsflutning, skaltu vinsamlegast hafa í huga að þú gætir þurft að innrita farangur þinn í hvert flug. Þar að auki getur stærð og þyngd handfarangurs verið mismunandi frá einu flugfélagi til annars.

Nánari upplýsingar um Sjálfsflutningur má finna á vefsetri okkar.

Question 30

Hvað ætti ég að gera ef ég skrái rangt nafn á flugmiða minn?

Accepted Answer

Nafnaleiðréttingar
Reglur flugfélaga um nafnbreytingar eftir bókun eru mjög mismunandi. Sum flugfélög leyfa farþegum að breyta nafni á flugmiðanum ef það hefur verið rangt stafsett.

Vinsamlegast athugaðu að flest flugfélög sem heimila leiðréttingu nafna innheimta gjald fyrir þessa þjónustu og okkar eigin gjöld fyrir leiðréttingu nafna a> gilda einnig.

Sum flugfélög leyfa jafnvel að ferðast sé með rangt stafsett nafn (um 1-3 bókstafi), að því tilskildu að:

framburðurinn breytist ekki,
fyrsti stafurinn í nafni/eftirnafni sé réttur, og
flugið sé innan Evrópu

Þessi valkostur er hins vegar ekki áreiðanlegur og flugfélagið verður að staðfesta hann.

Ef bókun nær til fleiri en eins flugfélags getur nafnbreyting orsakað tæknileg vandamál. Það er því mjög mikilvægt að ganga úr skugga um að nafnið á miða þínum sé rétt stafsett, eins og það er í vegabréfinu, þegar þú bókar.

Ef þú rekst á villu í einhverju nafnanna á miðum þínum, vinsamlegast hafðu samband og við kynnum þér valkostina.

Að framselja miða til annars farþega
Að jafnaði er óheimilt að framselja miða til annarra. Hins vegar bjóða sum flugfélög upp á undanþágu frá þessu. Vinsamlegast hafðu samband til að fá frekari upplýsingar.

Question 31

Get ég fengið fulla endurgreiðslu ef ég afbóka flug?

Accepted Answer

Fargjaldareglur eru mismunandi eftir miðum því þær eru settar af viðkomandi flugfélagi/félögum. Sumir miðar gætu haft smávegis afbókunargjald og aðrir ekki fengist endurgreiddir. Að auki getur flugfélagið rukkað hærri gjöld ef þú ferð fram á afbókun nálægt eða eftir áætlaða brottför.

Sum flugfélög endurgreiða að fullu ef afbókað er sama dag og bókun var gerð. Einnig gæti fengist full endurgreiðsla ef um andlát, veikindi eða höfnun á vegabréfsáritun er að ræða. Fáðu frekari upplýsingar um afbókunarreglur sem gilda um miðann þinn með því að hafðu samband.

Hafðu í huga að við innheimtum þjónustugjald fyrir afbókanir á flugi.

Question 32

Hver langan tíma tekur að afgreiða endurgreiðslubeiðnir?

Accepted Answer

Um leið og þú staðfestir afbókunina áframsendum við hana til flugfélagsins. Þetta gerist venjulega innan 6 virkra daga frá þeim tíma sem þú sendir beiðnina inn. Endurgreiðsla flestra flugfélaga tekur um 7-10 virka daga, en allt ferlið - frá afbókun þar til unnið er úr greiðslunni - getur tekið 15-20 virka daga

Athugaðu að við höfum enga stjórn á vinnslutímum bankans eða greiðsluveitanda. Þú getur athugað stöðuna í Bókanir mínar undir flipanum „Innritun“. Hér finnurðu nýjustu upplýsingarnar. Þjónustufulltrúar okkar munu ekki hafa neinar aukalegar upplýsingar til að veita þér annað en það sem þú finnur í þessum flipa.

Question 33

Hvers vegna hef ég ekki enn fengið endurgreitt?

Accepted Answer

Endurgreitt verður inn á greiðslumátann sem þú notaðir við bókunina ef þú átt rétt á endurgreiðslu. Hins vegar gætu tilraunir til að endurgreiða þér upprunalegu greiðsluna ekki gengið eftir. Hér að neðan eru tilgreindar algengar ástæður fyrir því að ekki tekst að ganga frá endurgreiðslu:

Takmarkanir sem greiðsluveitendur hafa sett okkur vegna þess að of langur tími er um liðinn frá upprunalegum færsludegi
Bankareikningurinn er ekki lengur virkur (hugsanlega reikningurinn sem er tengdur kortinu þínu)
Tæknileg vandamál eða takmarkanir er tengjast völdum greiðslumáta

Í slíkum tilfellum munum við líklega senda þér tilkynningu í tölvupósti og biðja þig um frekari bankaupplýsingar. Síðan munum við biðja þig um að ljúka staðfestingarferli til að staðfesta að þú sért reikningseigandinn.

Question 34

Hvernig afbóka ég flugmiðann minn?

Accepted Answer

Ef þú vilt afbóka miðann þinn, vinsamlegast hafðu samband hafðu samband við okkur eins fljótt og auðið er.

Í sumum tilfellum gætir þú þurft að hafa samband við flugfélagið beint til að afbóka miða þinn/þína. Þegar flugfélagið staðfestir afbókunina geturðu haft samband við okkur til að biðja um endurgreiðslu. Vinsamlegast athugaðu að við innheimtum gjald fyrir þessa þjónustu.

Ef þú nærð ekki í okkur til að afbóka miðann fyrir brottför skaltu hafa beint samband við flugfélagið. Vinsamlegast athugaðu að ef bókun þín felur í sér fleiri en eitt flugfélag þarftu að hafa beint samband við hvert þeirra fyrir sig til að afbóka. Þegar þú afbókar miða nálægt eða eftir brottför gætu gilt sérstakar reglur sem hafa áhrif á rétt þinn til endurgreiðslu.

Question 35

Hvernig get ég umbókað flugmiðann minn?

Accepted Answer

Vinsamlegast finndu skilyrði fyrir endurbókun í “Mínar bókanir“ undir flipanum ‚Umsjón með ferð’. Fáðu nánari upplýsingar, vinsamlegast hafðu samband við okkur.

Question 36

Get ég breytt áfangastað eftir að hafa bókað flug?

Accepted Answer

Það fer eftir reglum flugfélagsins og skilmálum fargjaldsins hvort mögulegt sé að breyta áfangastað (velja nýja flugleið). Vinsamlegast athugaðu reglurnar um þitt fargjald og hafðu samband ef þú vilt halda áfram.

Athugaðu að slíkar breytingar eru aðeins mögulegar hjá sama flugfélagi. Farþegum er sjaldan heimilt að skipta frá einu flugfélagi til annars.

Question 37

Get ég afbókað og umbókað sama flug á lægra verði?

Accepted Answer

Samkvæmt skilmálum okkar og stöðluðum reglum flugfélaga er almennt séð aðeins leyfilegt að breyta miðanum þínum í miða á sama farrými eða hærra. Þá sjaldan flugfélag heimilar að lækka niður um farrými fæst verðmunur á fargjaldi ekki endurgreiddur.

Stundum kostar minna að kaupa nýjan miða en að umbóka þann fyrri. Þetta hefur með framboð og mismun á tegundum fargjalda að gera.

Question 38

Hvað kostar að umbóka flug?

Accepted Answer

Ef flugfélagið leyfir umbókun innheimtir það gjald/þóknun. Upphæðin er breytileg frá einum miða til annars og gjaldið gæti hækkað, sé óskað eftir umbókun nálægt eða eftir brottför flugsins. Til viðbótar við umbókunargjaldið okkar gætir þú þurft að borga mismun á fargjaldi og viðbótargjöld.

Stundum kostar minna að kaupa nýjan miða en að umbóka þann fyrri. Þetta hefur með framboð og mismun á tegundum fargjalda að gera.

Question 39

Ég hef fengið tölvupóst með inneignarmiðakóða frá ykkur, hvað ætti ég að gera núna?

Accepted Answer

Ef þú hefur fengið tölvupóst frá okkur með inneignarmiðakóða geturðu bókað nýjan miða á vefsetri okkar. Athugaðu að ef þú hefur þegar notað inneignarmiða þinn til að bóka að nýju hjá þjónustuveri okkar er inneignarmiðakóðinn ekki lengur gildur. Hvernig á að nota inneignarmiðakóðann og bóka nýjan miða á vefsetri okkar

Farðu inn á bókunarsíðurnar með tenglinum sem gefinn er upp í tölvupóstinum.
Leitaðu að nýju ferðinni; athugaðu að hún þarf að uppfylla þau skilyrði sem tilgreind eru í tölvupóstinum með inneignarmiðanum svo hún sé gild.
Skráðu inneignarmiðakóðann á greiðslusíðunni:
Ef inneignarmiðinn var notaður rétt lítur skráningin svona út:
Hafi einhver nauðsynlegra skilyrða ekki verið rétt út fyllt eða inneignarmiðinn er ógildur birtast svona villuboð:
Hafi inneignarmiðakóðinn verið samþykktur færðu tilkynningu með tölvupósti og á meðan gengið er frá bókuninni um leið og við könnum hvort valið flug sé í boði hjá flugfélaginu.
Sé bókunin staðfest færðu tilkynningu með tölvupósti - þú hefur nú bókað nýja ferð!

Ef valið flug er ekki í boði færðu tilkynningu með tölvupósti og verður að vinna nýja bókun. Varðandi aukaþjónustu: Hafir þú bætt aukaþjónustu við upprunalegu bókunina færist hún ekki sjálfkrafa í nýju bókunina og henni þarf að bæta við á ný. Undantekning: Ferðatrygging – Ef upphafleg tímalengd tryggingar breytist ekki flyst hún yfir á nýju bókunina. Að öðrum kosti verður tryggingargjaldið endurgreitt. Afbókunartrygging – Þessi trygging flyst yfir á nýju bókunina. Sveigjanlegur (umbókanlegur) miði – Þessi kostur flyst yfir á nýju bókunina og gildir fram að nýjum heimkomudegi. Hafir þú fengið inneignarmiða beint frá flugfélaginu þarftu að hafa samband við þjónustuver flugfélagsins.

Question 40

Hvaða greiðslumáta er hægt að nota á Flight Network

Accepted Answer

Við tökum við öllum helstu gerðum kredit- og debetkorta (Visa, Mastercard, Amex, Discover, Diners, JCB, Carte Bancaire o.s.frv.) auk annarra greiðslumáta (PayPal, Apple Pay, Google Pay, Klarna, Affirm, Trustly, Sofort, iDeal, Dotpay, Bancontact, o.s.frv.).

Um leið og þú gengur frá bókuninni birtast valkostirnir á greiðslusíðunni.

Question 41

Hvaða gjaldmiðla er hægt að nota á Flight Network

Accepted Answer

Við tökum við yfir 35 gjaldmiðlum. Um leið og þú gengur frá greiðslu á vefsvæðinu okkar greiðir þú í gjaldmiðlinum sem birtist á greiðslusíðunni. Í mjög sjaldgæfum tilvikum getur komið fyrir að gjaldmiðilinn er annar en þegar gengið er frá bókuninni. Slíkar breytingar verða tilgreindar á skýran hátt þegar þú gengur frá greiðslunni.

Við erum ferðaskrifstofa og sem slík umreiknum við ekki gjaldmiðla færslna. Svör við spurningum varðandi umreikning gjaldmiðla er að finna í hluta algengra spurninga sem heitir „Hvers vegna var skuldfært í öðrum gjaldmiðli en gjaldmiðlinum sem er tengdur við kortið mitt?“

Question 42

Kostar það meira að borga með korti?

Accepted Answer

Mögulega eru innheimt umsýslugjöld af vissum kortum á tilteknum mörkuðum. Slíkar upplýsingar koma skýrt fram á greiðslusíðunni. Þú getur notað annað kort eða annan greiðslumáta ef þú vilt komast hjá því að greiða slík gjöld. Athugaðu að innheimt gjöld af kortum fást ekki endurgreidd.

Question 43

Hvers vegna þurfið þið að fá heimilisfangið mitt?

Accepted Answer

Okkar markmið er veita viðskiptavinum okkar einfalda bókunarupplifun og biðja um eins lítið af persónuupplýsingum og frekast er unnt.

Hins vegar er okkur nauðsynlegt í sumum tilvikum að afla ítarlegri upplýsinga til að sannvotta færsluna á öruggan hátt.

Question 44

Skuldfært var af reikningnum mínum fyrir bókun sem mistókst. Hvenær fæ ég peningana endurgreidda?

Accepted Answer

Meðhöndlunartími endurgreiðslna vegna misheppnaðra bókana er mismunandi eftir því hvaða greiðslumáti var notaður. Í slíkum tilvikum munum við senda þér tölvupóst með nákvæmum upplýsingum um endurgreiðsluferlið.

Þegar bókunin var ekki staðfest og þú sérð ekki tilkynningu frá okkur í pósthólfinu þínu, skaltu fyrst skoða ruslpóstmöppuna áður en þú hefur samband við okkur.

Question 45

Hvers vegna var skuldfært í öðrum gjaldmiðli en gjaldmiðlinum sem er tengdur við kortið mitt?

Accepted Answer

Við munum alltaf skuldfæra í gjaldmiðlinum sem kemur fram á greiðslusíðu vefsvæðisins okkar.

Upphæðin verður umreiknuð og viðeigandi gjald innheimt af bankanum þínum ef greiðsla er skuldfærð í gjaldmiðli sem kortið þitt styður ekki. Bankinn kann að innheimta aukagjöld skv. gildandi reglum.

Hafðu í huga að við höfum hvorki stjórn á gengi gjaldmiðla né aukagjöldum sem innheimt eru. Hafðu samband beint við bankann til að fá frekari upplýsingar.

Question 46

Hvers vegna varð flugið mitt dýrara?

Accepted Answer

Verð flugmiða kann að breytast fyrirvaralaust. Sætin sem eftir eru fyrir tiltekna flugleið kunna að verða dýrari (þ.e. fargjaldið) ef annar ferðalangur bókar flugið sem þú hefur áhuga á. Í slíkum tilfellum geturðu hætt við bókunina, en athugaðu að það er ekki hægt að fá ferðina á upprunalega verðinu.

Question 47

Hvers vegna var kortinu mínu hafnað?

Accepted Answer

Kortagreiðslum kann að vera hafnað af ýmsum ástæðum:

Bankinn þinn heimilar ekki viðskipti á netinu eða milli landa (greiðslur yfir landamæri)
Gefnar voru upp rangar upplýsingar (kortanúmer, CVV-númer, nafn)
Skilríkin sem voru látin í té við auðkenningarferlið voru röng
Bankinn greindi óvenjulegt eyðslumynstur og lokaði fyrir færsluna öryggisins vegna
Ekki er næg inneign á kortinu eða þú hefur náð daglegu eyðsluhámarki þínu
Vefsvæðið okkar styður ekki kortið þitt
Tæknileg villa átti sér stað

Um leið og færslu er hafnað færðu höfnunarkóða sem vísar til vandamálsins sem átti sér stað. Þú ættir hins vegar að hafa samband við bankann til að fá frekari upplýsingar.

Question 48

Ég fæ villuboð þegar ég reyni að ganga frá greiðslu, hvað á ég að gera?

Accepted Answer

Ef villuboð birtast þegar gengið er frá greiðslu gefur það til kynna að bókun þín hafi ekki tekist. Skoðaðu svarið við algengu spurningunni „Hvers vegna var kortinu mínu hafnað?“ til að fá frekari upplýsingar.

Áður en þú reynir að bóka aftur skaltu skoða tölvupóstinn þinn (þ.m.t. ruslpóstmöppuna) og stöðu bankareikningsins og ganga úr skugga um að ekki hafi verið skuldfært.

Question 49

Hvað geri ég ef skuldfært er tvisvar fyrir bókuninni?

Accepted Answer

Mismunandi ástæður kunna að vera fyrir því að þú virðist ranglega hafa greitt oftar en einu sinni:

Margar færslur kunna að koma fram á bankayfirlitum ef skuldfært hefur verið mörgum sinnum. Slíkar færslur eru fjarlægðar sjálfkrafa á innan við degi en slíkt fer eftir hverjum banka fyrir sig.

Einnig er hægt að skipta kaupum á einni flugferð niður í nokkrar greiðslur. Eftirfarandi gjöld gætu birst á bankayfirlitinu þínu ef þú t.d. bókar ferð fyrir tvær manneskjur fyrir 205 USD:

100 USD (miði 1)
100 USD (miði 2)
5 USD (umsýsluþóknun)

Einnig er mögulegt að þú hafir bókað tvisvar fyrir slysni og því hafi verið skuldfært tvisvar. Þú ættir að hafa samband við okkur eins fljótt og auðið er til að leysa þetta vandamál.

Question 50

Hvar finn ég kvittunina eða reikning?

Accepted Answer

Þú finnur kvittunina í staðfestingarpóstinum sem þú færð við bókun, eða í gáttinni „Bókanirnar mínar“, en þar geturðu einnig búið til reikning.

Til að komast í „Bókanirnar mínar“ geturðu annaðhvort:

Smellt á „Bókanirnar mínar“ í staðfestingarpóstinum sem þú færð við bókun, eða
Farið á heimasíðu vefsvæðisins okkar, valið „Bókanirnar mínar“ í efra hægra horninu og skráð þig inn með netfanginu sem tengist bókuninni og pöntunarnúmerinu.

Til að finna kvittunina:

Athugaðu staðfestingarpóstinn; kvittunin fylgir sjálfkrafa með í viðhengi.
Að öðrum kosti geturðu farið í greiðsluhlutann í hægri dálkinum í „Bókanirnar mínar“ og sótt kvittunina.

Til að búa til reikning:

Farðu í greiðsluhlutann í hægri dálkinum í „Bókanirnar mínar“.
Smelltu á „Búa til reikning“:
Fylltu út í áskilda reiti í eyðublaðinu til að búa reikninginn til.

Question 51

Hvers vegna virkar netgreiðslan ekki hjá mér?

Accepted Answer

Það geta ýmsar ástæður legið að baki því að netgreiðsla virki ekki. Athugaðu vafrastillingarnar og gakktu úr skugga um að sprettigluggar séu leyfðir til að færslugluggarnir geti opnast á meðan gengið er frá greiðslu. Hafðu samband við bankann þinn ef þetta leysir ekki vandamálið.

Question 52

Get ég fengið endurgreiðslu lagða inn á annan bankareikning?

Accepted Answer

Endurgreiðslur eru eingöngu lagðar inn á upprunalega greiðslumátann. Starfsfólk endurgreiðsludeildar mun hafa samband í tölvupósti og biður um frekari upplýsingar um greiðslu ef ekki tekst að endurgreiða þér í fyrsta sinn. Athugaðu að við þurfum að staðfesta hver þú ert áður en lengra er haldið.

Question 53

Hvers vegna virkar inneignarnótan mín ekki?

Accepted Answer

Slíkt kann að stafa af mörgum ástæðum. Inneignarnótan er hugsanlega útrunninn eða á aðeins við um tilteknar vörur og þjónustu eins og hótel eða bílaleigur. Þar að auki er í sumum tilfellum einungis hægt að nota inneignarnótu ef kaupin fara yfir tiltekna upphæð.

Question 54

Hvað gerist ef ég fæ ekki staðfestingu bókunar í tölvupósti eftir að skuldfært er?

Accepted Answer

Nokkrar ástæður kunna að vera að baki ef þú færð ekki staðfestingu bókunar í tölvupósti:

Staðfestingin fór í ruslpóstmöppuna í stað innhólfsins
Þú slóst inn rangt netfang þegar þú gekkst frá bókuninni
Innhólfið er fullt
Það er að taka okkur aðeins lengri tíma en venjulega að afgreiða bókunina þína

Þegar meira en klukkutími er liðinn frá því þú bókaðir og þú sérð enn ekki staðfestingu í innhólfinu eða ruslpóstmöppunni, skaltu hafa samband við okkur.

Question 55

Hversu marga farþega má ég hafa í einni bókun?

Accepted Answer

Þú getur haft allt að níu farþega í hverri bókun. Þú ættir að ganga frá annarri bókun ef þú þarft að bóka fyrir fleiri en níu farþega.

Question 56

Get ég bókað flug nokkrum klukkustundum fyrir brottför?

Accepted Answer

Flug sem er eftir nokkrar klukkustundir birtist ekki á listanum yfir flug og ekki er hægt að bóka slík flug á vefsvæði okkar.

Þú getur hins vegar hugsanlega bókað slík flug beint hjá flugfélaginu eða á flugvellinum.

Question 57

Get ég bókað flug fyrir ófætt barn?

Accepted Answer

Þú getur eingöngu keypt miða fyrir barn eftir að það hefur fæðst og fengið eigið vegabréf. Athugaðu að væntanleg nöfn ungabarna eru ekki tekin gild í bókunum.

Þar að auki verður þú að greiða barnafargjald fyrir allar flugferðir barnsins ef það er orðið eða verður tveggja ára á meðan ferðinni stendur.

Question 58

Hvernig bóka ég miða fyrir ungabarn?

Accepted Answer

Öll börn yngri en tveggja ára skal bóka sem ungabörn. Slíkt merkir að ungabarnið fær ekki úthlutað eigið sæti heldur skal sitja í kjöltu fullorðins einstaklings. Bóka verður miða fyrir barn ef ungbarn verður tveggja ára á meðan á ferðalaginu stendur.

Question 59

Hvernig kaupi ég miða fyrir fylgdarlaust, ólögráða barn?

Accepted Answer

Ekki er hægt að bóka miða á vefsvæðinu okkar fyrir fylgdarlaust barn (allt að 18 ára). Ávallt verður að bóka miða fyrir barn ásamt miða fyrir fullorðinn. Einungis er veittur afsláttur fyrir börn eftir að miði fyrir fullorðna er keyptur.

Question 60

Get ég bókað flugmiða ef ég er yngri en 18 ára?

Accepted Answer

Þú verður að vera orðin(n) 18 ára til að bóka ferð á vefsvæðinu okkar. Þar að auki getur þú ekki bókað flugmiða fyrir fylgdarlaust barn (allt að 18 ára)

Question 61

Get ég bætt öðrum farþega við flugið mitt eftir bókun?

Accepted Answer

Yfirleitt er hægt að bæta við öðrum farþega við eftir að miðinn hefur verið bókaður. Slíkt fer hins vegar eftir því hvort þú vilt bæta viðkomandi einstaklingi við núverandi pöntun eða búa til nýja. Hafðu samband við okkur til að fá frekari upplýsingar.

Question 62

Get ég tekið hundinn eða köttinn minn með í flugvélina?

Accepted Answer

Fjölmörg flugfélög leyfa gæludýrum að ferðast í farþegarými eða farmrými flugvéla. Slíkt fer hins vegar eftir nokkrum þáttum, eins og t.d. stærð, þyngd, tegund og bólusetningu gæludýrsins og gildandi reglum í landinu sem ferðast er til.

Hafðu samband við viðkomandi flugfélag/flugfélög til að fá upplýsingar um gildandi takmarkanir. Hafðu síðan samband við okkur eða flugfélagið/flugfélögin til að bæta gæludýri við bókunina þína.

Question 63

Hvernig breyti ég netfanginu mínu?

Accepted Answer

Hafðu samband við okkur ef þú vilt breyta netfanginu þínu eða þú telur að þú hafir slegið inn rangt netfang.

Question 64

Hvernig bæti ég séraðstoð við bókunina mína?

Accepted Answer

Hafðu samband við okkur til að fá upplýsingar um hvernig þú bætir sérastoð við bókunina þína. Slíkt gæti verið aðstoð með hjólastól, aðstoð við að fara frá innritun að flughliði eða stuðningur við að fara um borð og fara frá borði flugvélar.

Ódýrir flugmiðar til Hồ Chí Minh borg

Bestu tilboðin fyrir heimflug til Hồ Chí Minh borg

Finna bestu tilboðin á ódýrum flugmiðum frá Hồ Chí Minh borg

Flug eftir 30 daga

Flug eftir 7 daga

Flug eftir 14 daga

Flug eftir 30 daga

Helstu flugfélög sem fljúga til Hồ Chí Minh borg

Ódýrir flugmiðar til Hồ Chí Minh borg

Algengar spurningar um ferð þína til Hồ Chí Minh borg

Frá Hồ Chí Minh borg til umheimsins: Uppgötvaðu ótrúlega áfangastaði

Vörur og þjónusta

Um okkur

Stuðningur